ՀԵԿԱ-ն` Խորովածի 7-րդ համահայկական փառատոնին

15/09/2015

Ախթալայում Հայաստանի երիտասարդ կանանց ասոցիացիայի (ՀԵԿԱ) մասնակցությամբ տեղի ունեցավ արդեն ավանդական դարձած Խորովածի 7-րդ համահայկական փառատոնը:
Փառատոնին մասնակցում էին 23 ռեստորաններ, ուսումնական կենտրոններ, հասարակական կազմակերպություններ, անհատներ, ինչպես նաև ՀՀ Պաշտպանության նախարարության թիմը և մասնակիցներ Վրաստանից:
Փառատոնը կազմակերպել էր «Հայ խոհարարական ավանդույթների զարգացման եւ պահպանման» ՀԿ-ն: Փառատոնն ուղեկցվեց ՀՀ Պաշտպանության նախարարության նվագախմբի, ազգային երգ ու երաժշտությամբ և պարային խմբերի ելույթներով:
Խորովածի, արվեստի և երաժշտության փառատոնին Հայաստանի երիտասարդ կանանց ասոցիացիայի կողմից այցելուներին ներկայացվեցին «ՀայԿար» սոցիալական ձեռնարկության տարբեր արտադրանքներ, ՀԵԿԱ-ի նախաձեռնությամբ Լոռու մարզի տարբեր համայնքներում ստեղծված կարպետագործության և կավագործության խմբակների աշխատանքները, ինչպես նաև ՀՀ Կին ձեռներեցների ցանցի անդամների կողմից պատրաստված հուշանվերներով, մեղրամոմից մոմերով, հրուշակեղենով:

Խորովածի համահայկական փառատոնն անցկացվում է 2009 թվականից: Փառատոնի գաղափարի ստեղծման և կյանքի կոչման գործում իր ուրույն դերն է ունեցել Հայաստանի երիտասարդ կանանց ասոցիացիան: Փառատոնը նպատակ է հետապնդում նպաստել միջազգային ու ներքին զբոսաշրջության շուկայում Հայաստանի և Ախթալա համայնքի՝ որպես բարենպաստ և գրավիչ զբոսաշրջավայրի նկարագրի ձևավորմանը, նպաստել հայկական ավանդույթների և մշակույթի պահպանությանն ու զարգացմանը՝ մասսայականացնելով և միջազգայնորեն ճանաչելի դարձնելով հայկական ավանդական ուտեստները, այդ թվում՝ խորովածի զանազան տեսակները:

ՀԵԿԱ-ն` Խորովածի 7-րդ համահայկական փառատոնին

Կարդացեք այս բաժնում