Հայտարարություններ

Հայաստանի երիտասարդ կանանց ասոցիացիան (ՀԵԿԱ) հայտարարում է անգլերեն լեզվի դասընթաց` նախատեսված ուսանողուհիների համար:
Դասընթացի նպատակն է` բարձրացնել անգլերենի իմացության մակարդակը երիտասարդ կանանց և աղջիկների շրջանում:

2013թ. սեպտեմբերի 4-ին, ժամը 11:00-ին, Հայաստանի երիտասարդ կանանց ասոցիացիայի (ՀԵԿԱ) գրասենյակում տեղի է ունենալու ՀԵԿԱ ԿԱԱ-2013-ի (ՀԵԿԱ Կանանց առաջնորդության 2013թ. ակադեմիա) մասնակիցների հանդիպում` ընթացիկ գործողությունների քննարկման նպատակով:

2013թ. սեպտեմբերի 4-ին, ժամը 17:00-ին, Հայաստանի երիտասարդ կանանց ասոցիացիայի (ՀԵԿԱ) գրասենյակում տեղի է ունենալու ՀՀ Կին ձեռներեցների ցանցի անդամների հանդիպում` ընթացիկ գործողությունների և նախաձեռնությունների քննարկման նպատակով:

Ազգային ժողովի պատգամավորների, հանձնաժողովների և քաղաքացիական հասարակության կառույցների /ՔՀԿ/ արդյունավետ երկխոսությունը խթանելու նպատակով Ազգային Ժողովին Աջակցման Ծրագիրը նախաձեռնել է ՔՀԿ տեղեկատվական տոնավաճառ:
ՔՀԿ տոնավաճառը նախատեսվում է կազմակերպել ԱԺ մասնաշենքում, որտեղ կլինեն տեղեկատվական սեղաններ, կներկայացվեն Աժ կառուցվածքին համահունչ 12 ոլորտային ուղղվածության ՔՀԿ-ների գործունեությունը, կներկայացվեն տպագիր նյութեր, հրատարակություններ, բուկլետներ, հետազոտական նյութեր: Յուրաքանչյուր ոլորտ կներկայացնի դաշտում գործունեություն իրականացնող ՀԿ-ների աշխատանքը:

Ստեղծագործական աշխատաժողովի ամսաթիվը`օգոստոսի 15-25, 2013թ.
Ստեղծագործական աշխատաժողովը կազմակերպվում է «Մշակույթի նոր շունչ. հարստացրու ժառանգությունն արվեստների կյանքով» ծրագրի շրջանակներում, որն իրականացվում է Հայաստանում` Հայաստանի երիտասարդ կանանց ասոցիացիայի, Հարավային Ուկրաինայում (Հերսոն, Նիկոլաև, Օդեսա և Ղրիմ)` «Տոտեմ» երիտասարդական նախաձեռնությունների Հերսոնյան կենտրոնի և «CCC ստեղծագործական կենտրոն» բարեգործական հիմնադրամի և Վրաստանում` «Դրոնի» ասոցիացիայի կողմից` Եվրամիության ֆինանսավորմամբ:

Հայաստանի երիտասարդ կանանց ասոցիացիան (ՀԵԿԱ) և ՀՀ Կին ձեռներեցների ցանցը շարունակում են վերապատրաստման դասընթացների շարքը:
Ծրագրի շրջանակներում երկրորդ հանդիպման թեման նեղ մասնագիտական է և բովանդակալից, այն է` «Գործարար հանրային կապերի կառավարում-Business public relation management»:

Միացեք մեզ Հայաստանի ամենամեծ ռեսուրսի՝ կանանց համար նախատեսված այս ծրագրին: Մասնագիտական զարգացման սեմինարներից և աշխատաժողովներից մինչև ղեկավար կանանց ոգեշնչող ելույթներ:

ՀԵԿԱ-ի՝ կանանց առաջնորդության 2013թ. ակադեմիայի նպատակն է հզորացնել և ոգեշնչել մասնակիցներին՝ դառնալու ավելի ակտիվ իրենց համայնքներում և աշխատավայրերում, կառուցելու մարզային մասնագիտական ցանցեր, մշակելու նորարարական ծրագրեր համայնքներում իրականացնելու համար:

Կանանց առաջնորդության ակադեմիան ՀԵԿԱ-ի և Հայաստանում Խաղաղության Կորպուսի Գենդերային հավասարության և կանանց հզորացման նախաձեռնության (GenEq) համատեղ նախագիծն է, որը կազմակերպությունների մարզային ցանցերի շնորհիվ կզարգացնի տաղանդավոր կանանց կարողությունները ողջ Հայաստանում:

ՄԲ HERA-ն հայտարարում է առաջին միջազգային դրամաշնորհային մրցույթը Հայաստանի, Վրաստանի, Մոլդովայի, Ռումինիայի և Ուկրաինայի կին ձեռներեցների համար: Ցանկացած կին ձեռներեց կարող է դիմել սարքավորումներով աջակցելու և այլ կապիտալ զարգացման ծախսեր ֆինանսավորելու համար, եթե նա կարողանա ապացուցել, թե իր աշխատանքն ինչպես կարող է նպաստել սեփական տարածաշրջանում թրաֆիքինգի դեմ մղվող պայքարին:

Մայիս 8-18, Օդեսա, Ուկրաինա
Ստեղծագործական աշխատաժողովը կազմակերպվում է «Մշակույթի նոր շունչ. հարստացրու ժառանգությունն արվեստների կյանքով» ծրագրի շրջանակներում, որն իրականացվում է Հայաստանում, Հարավային Ուկրաինայում (Հերսոն, Նիկոլաև, Օդեսա և Ղրիմ) և Վրաստանում` Հայաստանի երիտասարդ կանանց ասոցիացիայի, «Տոտեմ» երիտասարդական նախաձեռնությունների Հերսոնյան կենտրոնի, «CCC ստեղծագործական կենտրոն» բարեգործական հիմնադրամի և «Դրոնի» ասոցիացիայի կողմից` Եվրամիության ֆինանսավորմամբ:

ՀԵԿԱ-ն հրավիրում է բոլոր ցանկացողներին մասնակցելու անգլերեն լեզվով անցկացվող ակումբային քննարկումներին:
Հանդիպումների ժամանակ կիրառվում են տարբեր մեթոդներ` քննարկումների, խաղերի կազմակերպում, ֆ‎իլմերի դիտում և այլն:
Ակումբի աշխատանքներին կարող են մասնակցել ուսանողներ, հասարակական կազմակերպությունների ներկայացուցիչներ, երիտասարդներ և բոլոր նրանք, ովքեր ցանկանում են բարելավել իրենց անգլերենի իմացությունը:
Ակումբը հրավիրվում է յուրաքանչյուր երեքշաբթի, ժամը 19.00-ին, ՀԵԿԱ գրասենյակում (հասցե`Աբովյան 37, բն. 9):