Կայացավ ՀԵԿԱ-ի անդամների հերթական հանդիպումը

Տեղի ունեցավ Հայաստանի երիտասարդ կանանց ասոցիացիայի (ՀԵԿԱ) անդամների հերթական հավաքը, որի նպատակն էր՝ անդամների հետ միասին նշել տարեմուտը, ամփոփել անցած տարին և ներկայացնել ՀԵԿԱ-ի առաջիկա գործողությունները:
Հանդիպմանը ներկա էին ինչպես ՀԵԿԱ-ի անդամներն ու ՀԵԿԱ-ի կողմից հիմնված և համակարգվող ՀՀ Կին ձեռներեցների ցանցի ներկայացուցիչներ, այլև ՀԵԿԱ-ի գործունեությամբ հետաքրքրվող անձինք և համակիրներ, ովքեր ցանկություն և պատրաստակամություն հայտնեցին համալրելու ՀԵԿԱ-ի անդամների շարքը:
Հանդիպման շրջանակներում կազմակերպվեց նաև ՀԵԿԱ-ի գործունեության վերաբերյալ «ՀԵԿԱ` ինչպես որ կա», «Կին ձեռներեցներ» և «Խաղահրապարակ» տեսանյութերի ցուցադրություն: