Շարունակվում է "We study English" դասընթացը. 2-րդ փուլի համար դիմել այստեղ

Հայաստանի Երիտասարդ Կանանց Ասոցիացիան հայտարարում է նոր, "We study English" անունով դասընթացի 3-րդ փուլի մեկնարկը, որին կարող են մասնակցել 18-35 տարեկան աղջիկներ, կանայք, երիտասարդներ: Դասընթացի նպատակն է` բարձրացնել անգլերենի իմացության մակարդակը երիտասարդների շրջանում:

Ծրագրի շրջանակներում կկազմակերպվեն անգլերեն գրականության ընթերցում և ուսումնասիրում, այցելություններ թանգարաններ, պատմական վայրեր, ինտելեկտուալ խաղեր և այլ հետաքրքիր միջոցառումներ:

Խումբը բաղկացած է լինելու 8-10 մասնակցից:

Դասընթացները կազմակերպվելու են շաբաթական երկու անգամ, յուրաքանչյուր դասընթացը` 1.5 ժամ տևողությամբ: Գործելու է հաճախումների ամսեկան ժամանակացույց. մասնակիցները նախապես գրանցվելու են ամսվա ընթացքում կազմակերպվելիք դասընթացներին մասնակցելու համար:

Դասընթացները կսկսվեն փետրվարի 2-ին։

Մինչ առաջին դասընթացը գրանցված մասնակիցների համար կկազմակերպվի մեկ ներածական դասընթաց:

Դասընթացը վարելու է արևմտյան կրթություն ստացած անգլերեն լեզվի մասնագետը, ով համապատասխան ոլորտում ունի հաջող փորձ:
Գրանցման վերջնաժամկետն է հունվարի 25-ը:
Ուշադրություն. որքան շուտ գրանցվեք մասնակցության համար, այնքան մեծ է Ձեր` դասընթացին մասնակցելու հավանականությունը, քանի որ տեղերը սահմանափակ են:

Գրանցվելու, ինչպես նաև լրացուցիչ տեղեկությունների համար զանգահարեք ՀԵԿԱ-ի գրասենյակ` 58 07 87 հեռախոսահամարով:

Բաց մի՜ թողեք անգլերեն սովորելու այս բացառիկ հնարավորությունը: